Roete Kaart
Druk hierdie bladsy Print this page.
ROETE NA OUDE MUUR & BUSHMAN’S CAVE BERGTEATER – CLANWILLIAM

ERIK & MELINDA DE MILANDER: (TEL: 027 - 482 2918)

Vanaf Kaapstad, volg N7. (Malmesbury, Moorreesburg, Piketberg, Citrusdal en Clanwilliam.) Dit is ongeveer 200 km vanaf Kaapstad. (Vir roete vanaf Klawer skakel asb vir aanwysings)
Ry deur Clanwilliam, verby Toyota Garage, De Vlei Diensstasie (Shell) en Sederkem Apteek op linkerhand. Moenie na regs in Hoofstraat afdraai nie. Volg die R 364, Calvinia en Bushmanskloof roete aanwysing.
Ry oor Jan Disselsrivierbrug met Augsburg Landbougimnasium en dan Boskloof se afdraai op regterhand. Moenie hier afdraai nie.
Ongeveer 2 Km vanaf die brug is daar ‘n afdraai na links.
Dit is die ou Klawer pad met die Doring River Rafting naambord. DRAAI HIER NA LINKS AF.
Hou reguit aan. Na ‘n verdere 10 km gaan teerpad oor in gruispad.
Na nog ‘n verdere 7 km kry jy vakansie oord en eiland op linkerhand. (Bulshoekdam)
Dit is ongeveer 20 kilometer vanuit Clanwilliam.
Volg nou die Nardouwsberg en Doring River Rafting afdraai na regs. Dit is dan nog ongeveer 13,7 KM na Bushman’s Cave en 21 km na Oude Muur Plaas.
Ry oor Bergpas en moet nooit weer afdraai nie.
Na Bergpas ry jy verby Brand se Berg afdraai op linkerhand. Hou reguit aan en moenie afdraai nie.
Ry lang bult op en gaan oor volgende pas. (Kraaibosberg)
Ry reguit aan tot jy Bushman’s Cave afdraai na regs kry. Draai af en ry Bushman’s Cave binne.
Vir plaasopstal Oude Muur:
Hou aan met pad vir 8 km tot jy die bord Oude Muur op jou linkerhand kry. Draai af en ry opstal binne.
Totale afstand uit Clanwilliam is + 42 kilometer. Pad is oor die algemeen goed, maar op sommige plekke ‘n bietjie sinkplaat.
Veilige en Voorspoedige rit !!